لە درێژەی کارو چالاکیەکانی بەشی پەیوەندیە نیوەدەوڵەتیەکان و دیبلۆماسی لە زانکۆی بەیان، رۆژی دووشەممە رێککەوتی (١٣/٧/٢٠٢٠) بە ئامادەبوونی بەرێز سەرۆکی زانکۆ (د. فوئاد مەولود شەریف)، سەرۆک بەشەکانی زانکۆ، کۆمەڵێک لا مامۆستایانی زانکۆی بەیان، هەروەها ژمارەیێکی زۆر لە ئەکادیمی دەرەوەی زانکۆ، وۆرکشۆپێکی نیودەوڵەتی ئەنجامدرا بۆ بەرێز (د. علی بشار غوان) بۆ بابەتی ( سیاسەتی تورکیا بۆ رۆژهەڵاتی ناوەراست)، هەروەها بۆ بەرێز (د. فیراس محمد ئیلیاس) بۆ بابەتی ( سیاسەتی ئێران بۆ رۆژهەڵاتی ناوەراست).
وۆرکشۆپ دەستیپێکرد بە وتارێکی بەرێز سەرۆکی زانکۆ (د. فوئاد مەولود شەریف) کە خۆشحاڵی خۆی دەربری بە ئەنجامدانی ئەو وۆرکشۆپە و باسی لە گرنگی ئانجامدانی کرد هەروەها خۆشحاڵی خۆی دەربری بۆ ئامادەبوونی ژمارەیێکی زۆر لە کەسانی ئەکادیمی و پسپۆر لەم وۆرکشۆپەدا. دواتر بەرێز (د. علی بشار غوان) دەستی کرد بە پێشکەشکردنی بەشی یەکەمی وۆرکشۆپ و بابەتەکەی سەبارەت بە (سیاسەتی تورکیا بۆ رۆژهەڵاتی ناوەراست). بەرێز (د. علی بشار غوان) باسی لە مێژووی سیاسەتی ئیمپراتۆریەتی عوسمانی کرد بۆ رەژهەڵاتی ناوەراست تا رووخانی ئیمپراتۆر و دامەزراندنی کۆماری تورکیا. سیاسەتی تورکیا وەک بەکارهێنانی هەست و سۆزی ئایینی بۆ لایەنگرانی وایکردووە کە ببێتە زلهێزێک لە ناوچەکەدا، ئەمەش دوای ئەوە دەستیپێکرد کە (پارتی داد و گەشە پێدان) توانی دەستەڵات بگرێتە دەست. مێژووی دەستێوەردانی تورکیا دەگەرێتەوە بۆ دوای سەرهەڵدانی بەهاری عەرەبی و بەتایبەتی لە سوریا کە تورکیا رێگریکرد لە دروستبوونی کیانێکی کوردی لە سوریا، ئەمەش سیاسەتی (سفر کێشە)ی تیۆری (ئەحمەد داود ئۆغڵۆ) کۆتایی پێهێنا. نەبووی هێزێکی کاریگەر و بەهێز لە رۆژهەڵاتی ناوەراستدا، ئەم هەلەی بۆ تورکیا رەخساندووە کە وەک هێزێکی کاریگەی لە ناوچەکەدا دەربکەوێت.
لە بەشی دووەمی وۆرکشۆپدا، بەرێز(د. فیراس محمد ئیلیاس) تیشکی خستە سەر بابەتی (سیاسەتی ئێران لە رۆژهەڵاتی ناوەراست). ناوبراو باسی لە سەرهەڵدانی شۆرشی ئێسلامی ئێرانی کرد لە ساڵی ١٩٧٩ کاتێک (خۆمەینی) هاتە سەر حوکم و داوای کرد کە دەبێت شۆرشی ئیسلامی بەرەو وڵاتانی تریش هاوردە بکرێت، بەتایبەتی عێراق کە زۆرینەی خەڵکی شیعەن. هەروەها وەک تورکیا، ئێرانیش سوودی لە بیری ئاینی وەرگرتووە کە وەک چەکێکی کاریگەر بەکاریدەهێنێت بۆ دەستێوەردان لە کاروباری وڵاتانی ناوچەکە، بەهەمان شێوەی تورکیا، نەبووی هێزێکی کاریگەر لە ناوچەکەدا ئەم هەلەئ بە ئێران داوە کە وەرک هێزێک لە ناوچەکە دوەربکەوێت.
لە کۆتایی وۆركشۆپدا، گفتوگۆی زانستی کرا لەسەر بابەتەکان و چەندین پرسیار ئاراستەی توێژەرەوەکان کرا و ئەوانیش بە روونی وەڵامی پرسیارەکانیان دایەوە. لە کۆتاییدا، بەرێز سەرۆکی زانکۆ (د. فوئاد مەولود شەریف) سوپاسی ئەنجامدەران و توێژەرانی ئەم وۆرکشپەی کرد بۆ ئەنجامدانی ئەو چالاکیە گرنگە زانستیە
